Чăваш Республикин вĕренÿ институчĕ, Чăваш наци конгресĕн вĕренÿпе ăслăлăх комитечĕ, «Хыпар» издательство çурчĕн «Тантăш» хаçачĕ чăвашсен пултаруллă писателĕ тата ăста композиторĕ Федор Павлович Павлов çуралнăранпа 125 çул çитнине халалласа «Федор Павлов – тĕрлĕ енлĕ талант» викторина ирттерчĕ.

Фёдор Павлов пултаруллă драматург, прозаик, поэт лирик, ăста композитор пулнă. Вăл  чăваш драматургийĕпе музыка культурин никĕсне çуллĕ шая çĕклеме пултарнă.

Викторина ăмăртăвĕ çу уйăхĕнчен пуçласа авăн уйăхĕн 29-мĕшĕччен пычĕ. Пултарулăх ăмăртăвне Чăваш Республикин шкулĕсен 9-11-мĕш класĕсенче вĕренекенсем хутщăннă. Ăмăртăвăн çĕнтерÿçи шутне Кавал шкулĕнче вĕренекен Яковлев Павел та кĕнĕ. Вăл 9,8 балл пуçтарса 3-мĕш вырăна тивĕçнĕ.